Maana-faay (Somali Edition)

“Xardhidda sheekadan qoraa Afrax wuxuu ku muujiyey hibo farshaxanimo heerka ugu sarreeya. Awood suugaan-yahanimo ayuu albaabka ugu furay dugsi laga baran karo sawiridda qofka aadmiga ah dareenkiisa dahsoon iyo jawiga ku xeeran. Waa sheeko-faneed suugaanta Soomaalida gaarsiisey maqaamkii ay ka mudnayd suugaanta caalamka.” – Prof. B.W. Andrzejewski “Sheeko-casri Af-Soomaali ku qoran Maana-faay waa tii ugu horreysey ee istaahisha magaca ‘sheeko-faneed”. Shaakadan Afrax wuxuu ku muujiyey hibo iyo karti-maskaxeed an caadi ahayn oo taariikhda gali doonta.” – Prof. Cali Jimcaale Axmed. “Maana-faay waxay farta ku fiiqaysaa dhinacyo badan oo ka mid ah xuma-falka ku dhex jira bulshada Soomaalida, taas oo lagu muujinayo dood-wadaagga dhex-maraya jilayaasha sheekada oo mid kastaba ku hadlayo lahjaddiisa iyo heerka garaadkiisa.” – Prof. Lidwien Kapteijns. “Waa sheeko qof kasta gilgilaysa. Waxay i xusuusisay xaafaddaydii Xamar-weyne ee an ku koray; waxay i hor-keentay dad aan qof-qof u garanayo.” – Shariif Maxamed Amiin. “Maana-faay waa dugsigii u horreeyey ee an ka bartay dhisidda toolmoon ee sheeko-faneedda casriga ah. Run ahaantii “Maana-faay” waxay helaysaa billadda ugu sarraysa dhammaan sheekooyinka Soomaalida inta aan ilaa iminka arkay. Qoraaga “Maana-faay”, Maxamed Daahir Afrax, waxaan u hayaa abaal ah sheekadiisani in ay ahayd tii i jeclaysiisay akhriska iyo qoraalka sheeko-soomaalida. Waxaan u hibeeyay sheekadayda magaceedu yahay “Aanadii Negeeye”.” – Qoraa sare Ibraahin Axmed Yuusuf “Hawd”